Lite ski og sosialt liv for tida

Det er ikkje alltid like kjekt å sjå ut vindauge, og sjå at dei kvite fillene lavar ned. I alle fall ikkje når det ikkje er tid til å bruke snøen. I Januar har me hatt ei stor oppgåve i Spesialpedagogikk som har tatt mykje av tida. Og når eg kjem heim står vaktmeisterjobben for tur. Ikkje like mykje å gjere kvar dag, men nok til at det ikkje blir tid til ski... Kan ikkje sei at det hjelper så veldig på å vite at mange fra vennegjengen her i Bergen er på ski heile veka nede i Sveits.

MEN... På fredag kl 14 leveres oppgåva inn, og det skal feirast med ski:) I helga dreg nemleg studentkrik på tur til Myrkdalen. To dagar med ski, masse snø og forhåpentligvis sol. Med på turen skal mi kjære Hanne Marte også vere med, og det skal bli kjekt å stå på ski i lag igjen.

Bildet er tatt på veg opp mot Såtå heime i Romjula.

I dag flytter eg inn

Etter å ha budd i ein ryggsekk den siste veka skal det bli godt å flytte inn og få sin eigen plass å bu. Flyttar inn i Kringsjåveien 28, og startar med det same som vaktmeister på Betaniahuset. Blir ei spennande tid me går i møte. Eg skriv me fordi det blir jo både Hanne Marte og eg som skal overta leiligheta og jobben. Fram til bryllaupet blir det derimot berre eg som skal bu der. Blir sikkert litt einsamt i byrjinga, då eg har vore vant til å bu med vener i kollektiv i fleire år nå. Men, for å sitere søskenbarnet mitt, så må eg "nyte det å bu aleine, det er ei herlig tid!"

Reknar med å kome tilbake med bilete og ord etterkvart, men kan ikkje garantere at det blir med det første. Blir travelt framover med besøk av Anne Brit (søster) nå til helga og foreldre og svigerforeldre neste helg. Satse på å få te ein innflyttingsfest etter det ein gong, så då må du kome!!!